Kinalalagyan ng Pilipinas na Pantektoniko

-
Bakit agham sa wikang Tagalog? Kapag hindi ginamit ang sariling wika, ito ay mabubulok at di lalaon, ikamamatay ng isang kultura... at ito'y pinakamadaling daan sa pagpapaliwanag ng mga kaisipan at pakikibahagi ng kaalaman sa ating mga kababayan.

Sa ikalawang maikling yugto ng mga usapin, talakayin natin ang pagkakagawa ng Pilipinas...

Kinalalagyan ng Pilipinas na Pantektoniko.


Ang Pilipinas ay nasa lugar na tinatawag sa heolohiya na "Mobile Belt" na mas tamang tawagin na "Plate boundary zone" o PBZ. Ang isang PBZ ay malapad na lugar tektoniko sa pagitan ng dalawang nagbabangaan na plato tektoniko. Ang rehiyon ng PBZ ay binubuo ng mga maliliit na bloke na tektoniko, na pinaghihiwalay ng mga biyak o faults. Ang mga bloke na ito ay mas maliit na malayo kumpara sa mga normal na plato tektoniko (tulad ng Pacific Plate, North American Plate, Eurasian Plate), subalit mas magalaw.

Ang rehiyon na PBZ ay lugar na malindol, at ang iba ay kinabibilangan ng mga Island Arc, mga lupain na kung saan sumisibol ang mga bulkan. Dahil dito, ang mga PBZ ay mas mainit kaysa sa mga looban ng kontinente, at mas maninipis ang tinatawag na lithosphere o balat ng lupa (crust at itaas na mantel).

Ang isla ng Luzon, halimbawa, ay maituturing na binubuo ng ilang maliliit na bloke pantektoniko, at dinadaanan ng mga biyak (tulad ng Philippine Fault Zone) at mga subduction zone o lugar kung saan lumulubog ang isang plato sa ilalim ng isa pa. Sa kaso ng Luzon, dalawang malalaking lubugan ang makikita: Ang Manila Trench at ang Philippine Trench, dalawang mahahabang rehiyon na malalim, at pinanangyarihan ng maraming mga lindol.

 
Larawan: Ang pantektonikong porma ng Luzon, binubuo ng mga maliliit bloke, tulad ng mga pinggan o pasong biyak-biyak. (Gawa ni Altair Regienne Galgana).

Mga Komento

Mag-post ng isang Komento

Mga sikat na post sa blog na ito

Impact Craters

-
Imahe
Ano ang mangyayari kapag ang isang meteor (bulalakaw) ay tumama sa lupa? Ang mga bulalakaw ay maaring galing sa mga asteroid --- na gawa sa mga bato, metal (Nickel-Iron), at iba pang mga elemento na nagmula pa sa mga sangkap sa pagbuo ng Solar System. Mayroon ding iba’t-ibang laki ng mga sangkap na ito, mula sa kasin liit ng mga alikabok (dust particles), hanggang sa laki na halos pamplanetarya, tulad ng mga asteroid na Ceres (diametro at 950 km) at Vesta (525 km ang diametro). Bagamat ang karamihan sa mga asteroid ay nasa pagitan ng orbit ng Mars at Jupiter, mayroong ilan sa mga ito ay tumatawid sa orbit ng Mundo (ex. Near-Earth Objects o NEAs), at ang ilan dito ay nahihigop ng grabitasyon ng mundo at bumabagsak sa lupa bilang meteorite o bulalakaw.   Larawan. Mga orbit ng mga asteroid. Makikita na ang marami ay tumatawid sa orbit ng daigdig. Mula sa Solar System Dynamics Group, NASA JPL. Ang maliliit na mga bulalakaw ay kadalasang nasusunog at sumasabog sa itaas ng
Magbasa nang higit pa

Abril sa Diliman: Bakit Sobrang Init Palagi?

-
Imahe
Bakit ba kapag buwan ng Abril ay sobrang init ng panahon lagi sa Diliman----at ganun din sa ibang bahagi ng Maynila? Bagama't ang pinaka kilalang dahilan ay ang daloy ng hangin sa rehiyon o klima, ang isa pang dahilan ay astronomikal: Ito ay tinatawag na “insolation” o insolasyon, isang prosesong pang-init na pisikal o t h ermal na kung saan ang init ng araw na direktang nakatutok sa Maynila (perpendikular) sa panahon ng Abril---na siyang nagdudulot ng madaling pag-init ng lupa. Ang insolasyon ay lubhang kakaiba sa konsepto ng "Insulation". Larawan 1A:  Ang direksyon ng sikat ng araw sa rehiyong tropikal kapag Hunyo (Summer Solstice) ay bahagyang tagilid. Simulasyon mula sa Seasons Explorer ng University of Nebraska-Lincoln.   Larawan 1B:   Ang direksyon naman ng sikat ng araw sa rehiyong tropikal kapag Abril ay lubhang direkta at perpendikular sa lupa. Nagdudulot ito ng matinding pag-init ng lupa.   Larawan 1C:  Kung ihahambing sa dalawa,
Magbasa nang higit pa

Pitong Araw sa Isang Linggo, Saan ba Talaga ito Nagmula?

-
Imahe
Isa sa pinakamalaking katanungan sa lahat ay ang konsepto ng pitong araw sa isang linggo. Saan ba talaga ito nagmula? Totoo bang ang pagkalikha ng daigdig ay sa loob lamang ng pitong araw? Bagamat hindi sakop ng blog na ito ang usaping pangrelihyon, aking tatalakayin ang isa sa mga makabuluhang paliwanag mula sa agham ng astronomiya. Ang agham ng astronomiya ay siyang pangunahing paraan upang itala ang mga haba ng araw, ng buwan, ng taon, at mga panahon. Dahil sa astronomiya, ang sangkatauhan ay natutong itala ng tama ang panahon ng pagtatanim, pag-ani, panahon ng taglamig, tag-init, tagsibol, taglagas, ganoon na rin  ang tag-ulan. Ang pitong araw ay nagmula sa pag-ikot  ni Luna (pangalan ng Buwan na ating gagamitin para hindi nakakalito sa buwan na ibig sabihin ay panahon!) sa Mundo.  Ang isang sidereal na buwan (base sa pagharap ni Luna sa malalayong bituin) ay mayroong 27.3 na araw ang haba, samantalang ang synodic na buwan (base sa phase ni Luna)ay mayroong 29.5 na araw ang
Magbasa nang higit pa