Kapatagan at mga Kabundukan sa Planetang Venus

-

 

Ipinapakita sa mga larawang sa ibaba ang itsura ng mga kabundukan at kapatagan sa planetang Venus. Ang mga kapatagan ay tinatawag na “Planitia”: ang ito ay madilim sa paningin, dahil sanhi ng paglayo ng radar backscatter mula sa sensor ng Magellan spacecraft. Ito ay dulot ng reflection dahil sa pagiging patag na parang salamin ang ibabaw ng lupa. Makikita sa larawan ang tinatawag na “wrinkle ridges”, mataas na parte ng lupa na may kurbada, posibleng dahilan ng kompresyon dahil sa bangaan o pagkaipit ng lupa sa kaliwa patungo sa kanan, na nagdudulot ng pagkakulubot ng ibabaw nito. Ang mga itaas ay mayroong malakas na repleksyon sa radar dahil sa magaspang na ibabaw nito. Makikita rin na ang kapatagan ay may parang alun-alon na ibabaw, dahil sa pagkapatong ng maraming lava flows na nangyayari kada panahon. Mapupuna rin na ang ibabaw ng kapatagan ay may kakulangan sa dami ng impact craters, nangangahulugan na ang ibabaw na ito ay bago lamang, posibleng ilang milyong taon lang ang dumaan noong unang inilatag ito (i.e., Basilevsky and Head, 2003).

Sa ikalawang larawan (sa ibaba), ipinapakita ang pagitan ng dalawang uri ng ibabaw ng lupain sa Venus: ang kapatagan sa bandang kaliwa (maitim o madilim na bahagi) at ang isang uri ng kabundukan o ang tinatawag na Tessera. Ang Tessera ay mas nakatatandang uri ng lupain, tulad ng mg lupaing kontinental sa ating daigdig: ito ay kinalalagyan ng maraming mga biyak na iba’t-iba ang direksyon, nahahalintulad sa mga Parquet tiles na kahoy---makikita rin sa ibabaw na ito ang mga lambak na naghihiwalay sa mga kabundukan o ridges (Binschadler and Head, 1991). 


Posibleng ang komposisyon nito ay granitic tulad ng mga kontinente, subalit sa ngayon, ang ating nalalaman ay Basaltic ang komposisyon ng mga bato sa Venus, tulad ng mga bato sa kapatagan. Ang pinagdikitan ng dalawang uri ng mga lugar na ito ay makikitang may malaking kaibahan sa taas ng lupa o elevation, na mula sa mababang kapatagan ay biglang umaakyat ang taas ng lupa patungo sa Tessera. Makikita rin sa larawan na maraming umbok ng lupa na parte ng Tessera sa dikitan na ito ay napapaibabawan ng lava flows, nangangahulugan na ang mababang lugar ay natambakan ng panibagong lava flows na mas nakababata sa matandang uri ng bato sa Tessera.


References

Basilevsky, A. T., & Head, J. W. (2003). The surface of Venus. Reports on Progress in Physics, 66(10), 1699.

Bindschadler, D. L., & Head, J. W. (1991). Tessera terrain, Venus: Characterization and models for origin and evolution. Journal of Geophysical Research: Solid Earth, 96(B4), 5889-5907.

Mga Komento

Mag-post ng isang Komento

Mga sikat na post sa blog na ito

Pitong Araw sa Isang Linggo, Saan ba Talaga ito Nagmula?

-
Imahe
Isa sa pinakamalaking katanungan sa lahat ay ang konsepto ng pitong araw sa isang linggo. Saan ba talaga ito nagmula? Totoo bang ang pagkalikha ng daigdig ay sa loob lamang ng pitong araw? Bagamat hindi sakop ng blog na ito ang usaping pangrelihyon, aking tatalakayin ang isa sa mga makabuluhang paliwanag mula sa agham ng astronomiya. Ang agham ng astronomiya ay siyang pangunahing paraan upang itala ang mga haba ng araw, ng buwan, ng taon, at mga panahon. Dahil sa astronomiya, ang sangkatauhan ay natutong itala ng tama ang panahon ng pagtatanim, pag-ani, panahon ng taglamig, tag-init, tagsibol, taglagas, ganoon na rin  ang tag-ulan. Ang pitong araw ay nagmula sa pag-ikot  ni Luna (pangalan ng Buwan na ating gagamitin para hindi nakakalito sa buwan na ibig sabihin ay panahon!) sa Mundo.  Ang isang sidereal na buwan (base sa pagharap ni Luna sa malalayong bituin) ay mayroong 27.3 na araw ang haba, samantalang ang synodic na buwan (base sa phase ni Luna)ay mayroong 29...
Magbasa nang higit pa

Impact Craters

-
Imahe
Ano ang mangyayari kapag ang isang meteor (bulalakaw) ay tumama sa lupa? Ang mga bulalakaw ay maaring galing sa mga asteroid --- na gawa sa mga bato, metal (Nickel-Iron), at iba pang mga elemento na nagmula pa sa mga sangkap sa pagbuo ng Solar System. Mayroon ding iba’t-ibang laki ng mga sangkap na ito, mula sa kasin liit ng mga alikabok (dust particles), hanggang sa laki na halos pamplanetarya, tulad ng mga asteroid na Ceres (diametro at 950 km) at Vesta (525 km ang diametro). Bagamat ang karamihan sa mga asteroid ay nasa pagitan ng orbit ng Mars at Jupiter, mayroong ilan sa mga ito ay tumatawid sa orbit ng Mundo (ex. Near-Earth Objects o NEAs), at ang ilan dito ay nahihigop ng grabitasyon ng mundo at bumabagsak sa lupa bilang meteorite o bulalakaw.   Larawan. Mga orbit ng mga asteroid. Makikita na ang marami ay tumatawid sa orbit ng daigdig. Mula sa Solar System Dynamics Group, NASA JPL. Ang maliliit na mga bulalakaw ay kadalasang nasusunog at sumasabog sa ...
Magbasa nang higit pa

TUNGKOL SA LINDOL SA BOHOL: ANO ANG DAHILAN?

-
Imahe
Ang Magnitude 7.2 na lindol na kapangyayari sa Bohol kahapon ay dulot ng paggalaw ng mga microplates (maliliit na platong pantektoniko) sa gitnang Kabisayaan. Ito ay dahil sa paggalaw ng mga microplates na ito ay maaring mula sa mga thrust faults na dulot naman ng kabuuang kompresyon ng buong rehiyon. Ang kompresyon na ito ay mula ng paggalaw pakanluran ng Philippine Sea Plate (at pagpapailalim nito sa Philippine Trench) at pasilangang Sundaland Plate na pumapailalim sa Negros Trench (at Manila Trench). Ang Philippine Fault naman ay matatagpuan sa Silangang bahagi nito, subalit ito'y may kakaibang paggalaw at walang direktang relasyon sa nagngyaring lindol. Ang lindol na ito ay may relasyon sa nakaraang lindol noong Pebrero 2012, na may lakas o Magnitude na 6.8. Ang dalawang lindol na ito ay may halos pareho ng lalim (halos 20 km) at may paggalaw na pa-kompresyon sa direksyong WNW-ESE, na nagsasabi na ang mga ito ay dulot ng mababaw na mga thrust faults, at maaring ma...
Magbasa nang higit pa